Максім Мірны выйшаў у фінал парнага разраду тэніснага турніру ў Оклендзе
![Максім Мірны выйшаў у фінал парнага разраду тэніснага турніру ў Оклендзе](/sites/default/files/styles/gallery_main/public/2023-08/mirny-1201.jpg.webp?itok=H-uMlL03)
На тэнісным турніры ў навазеландскім Оклендзе беларус Максім Мірны і аўстрыец Філіп Освальд выйшлі ў фінал парнага разраду, перадае БЕЛТА. Прызавы фонд турніру складае крыху больш за 50о тысяч долараў.
У паўфінале беларуска-аўстрыйскі дуэт на двух тай-брэйках абыграў новазеландца Майкла Вінуса і Равена Клаасена з ПАР — 7:6 (9:7), 7:6 (8:6). Сустрэча працягвалася 1 гадзіну 42 хвіліны.
Фінал турніру адбудзецца 13 студзеня. Супраць Мірнага і Освальда выйдуць аўстрыец Олівер Марах і харват Матэ Павіч.
Беларус Андрэй Васілеўскі і чыліец Ханс Паліпнік-Касцільё ў фінале тэніснага турніру ў аўстралійскай Канберы сёння згуляюць супраць ізраільска-індыйскага дуэту Ёнатан Эрліх / Дзівіж Шаран.
На жаночым турніры ў аўстралійскім Хобарце беларуска Арына Сабаленка і расіянка Вераніка Кудзярметава ў паўфінале парнага разраду сустрэнуцца з бельгійкай Элізай Мартэнс і Дэмі Схюрс з Нідэрландаў.