Максім Мірны стаў бацькам у чацвёрты раз
2 жніўня ў амерыканскім горадзе Брадэнтан (Флорыда) жонка славутага тэнісіста нарадзіла сына Трафіма.
Як стала вядома “Інтэрфаксу”, хлопчык нарадзіўся каля 14.00 паводле мясцовага часу, яго бацька прысутнічаў на родах. Другі сын Максіма Мірнага важыць 4 кілаграма 400 грамаў, яго рост — 50 сантыметраў.
У сям’і Мірнага і яго жонкі Ксеніі ўжо ёсць трое дзяцей — дочкі Меланія (9 гадоў) і Петра (7 гадоў), а таксама сын Дзямід (4 гады).
Маці і нованароджаны хлопчык адчуваюць сябе добра, але пакуль што знаходзяцца ў клініцы.
