Макей "не бачыць трагедыі" ў міжнародных пунктах пропуску ў Расіі для беларусаў
![Макей "не бачыць трагедыі" ў міжнародных пунктах пропуску ў Расіі для беларусаў](/sites/default/files/styles/gallery_main/public/2023-08/makiej-1905-1.jpg.webp?itok=W0rxsSHp)
Уладзімір Макей "не бачыць трагедыі" ў тым, што рэйсы з Беларусі ў Расію вырашылі адпраўляць у міжнародныя тэрміналы. Пра гэта ён заявіў, адказваючы на пытанне карэспандэнта Еўрарадыё на міжнароднай канферэнцыі "25 гадоў знешняй палітыцы Рэспублікі Беларусь".
Макей: "Што тычыцца ўвядзення прынцыпу, калі нашыя грамадзяне будуць праходзіць праз міжнародныя пункты пропуску ў аэрапортах горада Масквы і іншых аэрапортах Расійскай Федэрацыі, то я не бачу тут трагедыі. Галоўнае, каб нашы грамадзяне мелі роўныя правы з расійскімі грамадзянамі".
Кіраўнік беларускай дыпламатыі дадаў, што роўнасць правоў замацаваная дамовамі ў рамках Саюзнай дзяржавы Беларусі і Расіі. Ніякіх пагроз у гэтай сферы, па яго словах, пакуль няма.