Магілёвец прыйшоў у міліцыю і прызнаўся ў забойстве бацькі
![Магілёвец прыйшоў у міліцыю і прызнаўся ў забойстве бацькі](/sites/default/files/styles/gallery_main/public/2023-08/mahiliou-0502-1.jpg.webp?itok=bP5lE4Kh)
Магілёўскі міжраённы аддзел Следчага камітэта пачаў крымінальную справу на 43-гадовага мясцовага жыхара. Мужчыну падазраюць у забойстве заведама састарэлай асобы.
Мужычна сам прыйшоў у РАУС Ленінскага раёна Магілёва і прызнаўся ў забойстве 78-гадовага бацькі, паведамляе прэс-служба Следчага камітэта. Следча-аператыўная група знайшла ў кватэры цела мужчыны з прыкметамі гвалтоўнай смерці.
Следства выявіла, што 11 студзеня п'яны мужчына наўмысна некалькі разоў стукнуў табурэтам бацьку ў галаву, забіўшы яго. Цела пенсіянера праляжала ў кватэры тры тыдні.
Затрыманы дае паказанні. Следчыя высвятляюць матыў злачынства.
З месца здарэння забралі і далучылі да матэрыялаў крымінальнай справы рэчавыя доказы. Следства прызначыла комплекс судовых экспертыз, у тым ліку будзе праведзеная экспертыза псіхічнага стану падазраванага.