Магілёўскі ўніверсітэт: Ёсць спецыяльнасці, дзе зусім няма абітурыентаў
За два дні да канца падачы дакументаў на бюджэт вывучаць “фізіку-інфарматыку” не захацеў пакуль ніхто.
Пра гэта Еўрарадыё паведамілі ў прыёмнай камісіі Магілёўскага дзяржуніверсітэта імя Куляшова.
Супрацоўнік прыёмнай камісіі: “Ёсць падставы для перажыванняў на фізіка-матэматычным факультэце. На “матэматыку-інфарматыку” на 13 планавых месцаў толькі тры заявы. На беларускай філалогіі “беларуская мова і літаратура” на 15 месцаў толькі 6 заяваў”.
Недабор тут звязваюць з тым, што 40% абітурыентаў па фізіцы і матэматыцы не набралі на тэставанні неабходны бал для паступлення. Ва ўніверсітэце спадзяюцца на дадатковы набор, які сёлета можа быць праведзены згодна з пастановай Мінадукацыі.
