Магілёўцу, які вярнуўся з Польшчы, дадалі паўтара года зняволення
![Аляксандр Кулікоў](/sites/default/files/styles/gallery_main/public/2023-12/kulikou-2212.jpg.webp?itok=WTj9a6aZ)
Аляксандр Кулікоў / "Беларусь 1"
Паўтара года зняволення дадалі да ранейшага прысуду магілёўцу Аляксандру Кулікову, затрыманаму пасля вяртання з Польшчы, піша праваабарончы цэнтр "Вясна".
Працэс над Куліковым ішоў у Магілёўскім абласным судзе з 6 снежня. Мужчыну затрымалі ў чэрвені пасля вяртання з Польшчы. Сілавікі абяцалі магілёўцу, які з'ехаў за мяжу праз палітычны пераслед, што яго не пазбавяць волі. Але на мяжы Кулікова затрымалі і змясцілі ў СІЗА.
Праз два месяцы яго асудзілі за каментары ў "экстрэмісцкіх" чатах. Новую справу на яго пачалі за спробу далучыцца да палка Каліноўскага ва Украіне, а таксама за "праходжанне навучання для ўдзелу ў экстрэмісцкай дзейнасці".
Суддзя Дзяніс Кічыгін 20 снежня прызначыў Кулікову чатыры гады пазбаўлення волі. Шляхам частковага складання з ранейшам пакараннем ў выніку магілёўцу прызначылі 4,5 года калоніі агульнага рэжыму.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.