Ля беларуска-польскай мяжы паставілі білборды з выявамі палітвязняў (фота)
Іх з'яўленне — справа сяброў грамадзянскай ініцыятывы "Свабоду Мікалаю Статкевічу і ўсім палітвязням".
На беларуска-польскай мяжы каля ўсіх буйных аўтамабільных памежных пераходаў з польскага боку з'явіліся білборды з выявамі беларускіх палітвязняў.
Як паведамляе сайт statkevich.org, білборды ўсталяваныя сябрамі грамадзянскай ініцыятывы "Свабоду Мікалаю Статкевічу і ўсім палітвязням".
Нагадаем, што кандыдат у прэзідэнты 2010 года Мікалай Статкевіч з часу выбараў знаходзіцца за кратамі. Праваабаронцы лічаць яго палітвязнем. Ініцыятыўнай групе Статкевіча было без тлумачэння адмоўлена ў рэгістрацыі на сёлетніх выбарах.
Фота: statkevich.org
