Лукашэнка расказаў, якім будзе свет пасля каранавіруса

Лукашэнка расказаў, якім будзе свет пасля каранавіруса

Глабальныя гульцы могуць выкарыстаць сусветны крызіс, выкліканы каранавірусам, каб падзяліць нанова свет. Пра гэта Аляксандр Лукашэнка заявіў у інтэрв'ю міждзяржаўнай тэлерадыёкампаніі "Мір", перадае БЕЛТА.

Беларускі кіраўник спаслаўся на прэзідэнта Францыі Эмануэля Макрона: "А ці не здаецца, што ўладныя людзi без вайны (Макрон гэта ўжо вайной назваў), праз гэты так званы каранавірусны псіхоз, інфадэмію у тым ліку, хочуць перадзяліць свет?".

Ён згадаў, што ААН выступіла з прапановай надрукаваць грошы ў памеры 10% сусветнага ВУП для барацьбы з каранавірусам. Лукашэнка адзначыў, што пасля гэтага пойдзе інфляцыя, пасля якой багатыя стануць яшчэ багацейшымі, а бедныя — яшчэ бяднейшымі. "Нас штурхнулі да таго, што мы павінны спыніцца, сядзець і праесці тыя бедныя валютныя запасы, якія ў нас ёсць", — заявіў беларускі кіраўнік. 

"І тады, надрукаваўшы 10% ВУП, да нас прыйдуць тыя, хто "на нагах", і скажуць: наце вам патрошку, але вы будзеце рабіць тое, што мы скажам. Вось так можа быць перадзелены свет", — намаляваў ён перспектывы.

Лукашэнка паведаміў, што ён настойвае на далейшай працы вытворчасці, бо іначай беларуская дзяржава не выжыве: "Таму што я ўяўляю, што будзе з намі пасля гэтай пандэміі, калі мы спынімся, як многія: літоўцы, латышы і іншыя. Яны выстаяць. У Расіі ёсць нафта і газ, у якіх сёння мае патрэбу ўвесь свет. У Кітая — вялізныя магутнасці ў эканоміцы. У Амерыкі — друкавальны станок: два трыльёны ўкідваюць, яшчэ два на падыходзе".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі