Лукашэнка прызначыў намесніка старшыні Следчага камітэта
![Лукашэнка прызначыў намесніка старшыні Следчага камітэта](/sites/default/files/styles/gallery_main/public/2023-08/685034103fd9fd9006868d678cab1dd3.jpg.webp?itok=WiJoodrZ)
Аляксандр Лукашэнка прызначыў намесніка старшыні Следчага камітэта. Ім стаў Сяргей Аземша. Адпаведны ўказ кіраўніка дзяржавы (№ 175 ад 19 траўня) з'явіўся сёння на Нацыянальным прававым інтэрнэт-партале. Аземша атрымаў спецыяльнае званне генерал-маёра юстыцыі.
![Лукашэнка прызначыў намесніка старшыні Следчага камітэта](/sites/default/files/paragraphs/image/luukaza.jpg)
Пасада намесніка старшыні Следчага камітэта стала вакантнай у лютым 2016 года, калі па стане здароўя быў звольнены генерал-маёр Сяргей Буйноўскі (ён працаваў з 2011 года).
Сяргей Аземша працуе ў органах пракуратуры з 1995 года, у яго вышэйшая юрыдычная адукацыя. Спачатку працаваў у пракуратуры Цэнтральнага раёна Гомеля, пасля — следчым па асабліва важных справах Генеральнай пракуратуры (у 2000-2005 гг.). З 2006 года быў начальнікам аддзела па нагляду над выкананнем заканадаўства па барацьбе з карупцыяй і арганізаванай злачыннасцю Генеральнай пракуратуры, з 2012-га — пракурорам Гомельскай вобласці.