Лукашэнка прызначыў кіраўніка Акадэміі навук і міністра архітэктуры (відэа)

Старшынёй прэзідыума Нацыянальнай акадэміі навук Беларусі прызначаны Уладзімір Гусакоў, які раней займаў пасаду намесніка старшыні.

Як інфармуе БЕЛТА, Аляксандр Лукашэнка паставіў задачы "па павышэнні эфектыўнасці, інтэграванасці ў эканоміку, што павінна павялічыць запатрабаванасць навуковых распрацовак, якія мусяць даваць краіне рэальны эканамічны эфект". Таксама Уладзіміру Гусакову (на здымку) неабходна "умацаваць сувязь навукі з вытворчасцю" ды амалоджваць кадры, павышаць матывацыю працы навукоўцаў.

Нагадаем, папярэдні кіраўнік Нацыянальнай акадэміі навук Анатоль Русецкі пакінуў сваю пасаду ў кастрычніку 2012 года пасля таго, як яго абралі намеснікам старшыні Савета Рэспублікі. Ад таго часу Акадэмія навук заставалася без кіраўніка.

Міністрам архітэктуры і будаўніцтва прызначаны Анатоль Чорны, старшынёй Дзяржаўнага камітэта па навуцы і тэхналогіях — Аляксандр Шумілін.
 

Фота — bymedia.net, БЕЛТА