Лукашэнка патрабуе ад урада больш актыўна шукаць карысныя выкапні

Аляксандр Лукашэнка патрабуе больш актыўна весці разведку карысных выкапняў. Пра гэта ён заявіў 30 ліпеня, калі прымаў з дакладам міністра прыродных рэсурсаў і аховы навакольнага асяроддзя Андрэя Каўхуту.

Лукашэнка падкрэсліў, што гэтае пытанне ўздымалася і раней, але папярэдні склад урада на чале з ранейшым прэм'ер-міністрам не дасягнулі поспеху ў гэтым напрамку.

Кіраўнік Беларусі лічыць, што ёсць сур'ёзныя недапрацоўкі ў разведцы нетраў. "Я проста не веру, што ў нас няма вялікіх аб'ёмаў нафты і што ў нашых нетрах адсутнічае прыродны газ. На падобных тэрыторыях у Расіі ды іншых краінах здабываецца нямала нафты і прыроднага газу, а таксама каштоўных металаў — тое, што стварае аснову дабрабыту і ўстойлівасці любой эканомікі любой дзяржавы", — перадае БЕЛТА словы Лукашэнкі.

Сёлета ў Беларусі пройдзе нарада з удзелам кіраўніка краіны і будзе прысвечаная тэме запасаў карысных выкапняў у Беларусі.

Фота: БЕЛТА