Лукашэнка падпісаў закон супраць СМІ “недружалюбных” краін

Аляксандр Лукашэнка падпісаў закон, якім хоча забараніць дзейнасць СМІ “недружалюбных краін”.

Паводле дакумента, калі ў Беларусі палічаць дзеянні той ці іншай краіны недружалюбнымі ў адносінах да беларускіх СМІ, іх можна будзе забараніць.

Новым законам таксама пашырылі спіс падстаў для анулявання пасведчання пра дзяржаўную рэгістрацыю медыя і абмежаванні доступу да інтэрнэт-рэсурсу, сеткавага выдання, навінавага агрэгатара.

Гэтыя дзеянні ўлады назвалі дасканаленнем “механізмаў абароны нацыянальных інтарэсаў у медыясферы”, і пашырэннем “інструментаў для рэагавання на недружалюбныя дзеянні ў дачыненні да Беларусі”.

У Беларусі ліквідаваны ўсе незалежныя медыя, шэраг з іх абвешчаны экстрэмісцкімі.