Лукашэнка: Не дай бог, паўторыцца дэстабілізацыя фінансавай сітуацыі
Кіраўнік дзяржавы ў аўторак выказаўся наконт сітуацыі ў эканоміцы, фінансавым сектары, дзяржапараце.
Паўторная дэстабілізацыя эканамічнай і фінансавай сітуацыі ў Беларусі недапушчальная. Такую заяву зрабіў 30 снежня Аляксандр Лукашэнка падчас прадстаўлення новага старшыні праўлення Нацбанка Паўла Калавура.
"Гэтага ў краіне больш быць не можа, — цытуе словы Лукашэнкі БЕЛТА. — Нават з самых неймаверна складаных сітуацый мы павінны выходзіць годна. Запомніце, гэта ваша, перш за ўсё, зона адказнасці, ваша задача. Не дай бог гэта паўторыцца. І меры ў дачыненні да вас будуць прынятыя самыя жорсткія".
Таксама кіраўнік дзяржавы запатрабаваў навесці парадак на фінансавым рынку. Лукашэнка адзначыў, што стратэгічная задача Нацбанка — умацаваць давер людзей і прадпрыемстваў да беларускага рубля.
Фота: БЕЛТА