Лукашэнка не чакае з'яўлення ў бліжэйшы час "нармальнай апазіцыі"

У панядзелак падчас наведвання мемарыяльнага комлексу "Яма", дзе 65 гадоў назад былі знішчаныя яўрэі мінскага гета, кіраўнік Беларусі Аляксандр Лукашэнка выказаўся на разнастайныя палітычныя і эканамічныя тэмы, згадаў ён і беларускую апазіцыю.
Лукашэнка заявіў, што патрэбны час, каб у Беларусі сфарміравалася "нармальная апазіцыя", якая любіць свой народ і цэніць інтарэсы сваёй нацыі. Сённяшнюю апазіцыю кіраўнік дзяржавы не лічыць "патрыятычнай", ён мяркуе, што яна не задаволеная перспектывай паспяховага развіцця адносінаў уладаў Беларусі з Еўрасаюзам, інфармуе "Интерфакс".