Лукашэнка: народ называе будаўнічую галіну мафіёзнай
Кіраўнік дзяржавы ў пятніцу паўдзельнічаў у паседжанні Савета міністраў.
На ім разглядаліся вынікі сацыяльна-эканамічнага развіцця Беларусі ў 2012 годзе і задачы на бягучы год. Аляксандр Лукашэнка жорстка скрытыкаваў дзейнасць ураду і прыгразіў адстаўкай.
Лукашэнка заявіў, што вельмі незадаволены працай будаўнічай галіны. "Галіна ніяк не пазбавіцца ад застарэлых праблем, — цытуе словы кіраўніка дзяржавы БЕЛТА. — Тут рэгулярна фіксуюцца факты неэфектыўнага выкарыстання бюджэтных сродкаў, завышэння аб'ёмаў і кошту выкананых праектных і будаўніча-мантажных работ, прыпіскі, махінацыі з расцэнкамі".
Аляксандр Лукашэнка падкрэсліў, што "ўсе ў грамадстве" гавораць, што будаўнічай галіна "найбольш карумпаваная... мафіёзная". І ён з гэтым згодны.
Фота — bymedia.net
