Лукашэнка: Майдан, ад якога мы сёння спрабуем сысці
![Лукашэнка: Майдан, ад якога мы сёння спрабуем сысці](/sites/default/files/styles/gallery_main/public/2023-08/2020-06-23t175255z_794820850_rc25fh98gmnn_rtrmadp_3_belarus-election.jpg.webp?itok=A2g-G1z5)
26 чэрвеня ў Салігорску падчас сустрэчы з "актывам" Мінскай вобласці Аляксандр Лукашэнка згадаў пра жаданне людзей "жыць справядліва", але гэта, на яго думку пазітыву не прынясе.
"Людзі хочуць жыць справядліва, — гаварыў Лукашэнка. — Мы можам гэта зрабіць, але гэта будзе бяда! Літаральна праз месяц мы не проста рэвалюцыю народзім, мы народзім той Майдан, ад якога мы сёння спрабуем сысці і які нам навязваюць з усіх бакоў. Памятайце гэта!".
Па словах Лукашэнкі, "нельга нахіляць людзей так, каб яны страцілі ўсялякую надзею". "Бо мы самі адтуль!", — сказаў прысутным кіраўнік дзяржавы.
На той жа сустрэчы беларускі кіраўнік заявіў, што для правядзення перамен і рэформаў у нашай краіне няма патрэбных грошай. Ён мяркуе, што неабходны нават не сотні мільярдаў долараў, а, магчыма, цэлы трыльён!
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.