Лукашэнка лічыць справядлівым падняць пенсійны ўзрост для ўсіх
Нарада, прысвечаная абмеркаванню развіцця пенсійнай сістэмы, праходзіць у Аляксандра Лукашэнкі 10 сакавіка. На ёй кіраўнік дзяржавы заявіў, што справядліва будзе, калі павышэнне пенсійнага ўзросту закране ўсіх.
"Але трэба ўлічваць усё: розніцу працягласці жыцця мужчын і жанчын, спецыфіку горада і вёскі, умовы працы ў некаторых сферах ды іншыя фактары", — цытуе БЕЛТА яго словы.
Лукашэнка паведаміў, што знаходзіцца паміж двума меркаваннямі. Урад прапаноўвае павысіць пенсійны ўзрост, грунтуючыся на эканоміцы. А меркаванне народа — процілеглае.
