Лукашэнка: Абама гнабіць Трампа, я б з-за гэтага за яго прагаласаваў
Аляксандр Лукашэнка падчас выступу ў Палаце прадстаўнікоў выказаўся пра палітыку ЗША і параўнаў амерыканскія выбары з беларускімі.
“Я паслухаў свайго калегу Абаму пра выбары. Ён жа гнабіць гэтага Трампа. Я б толькі з-за гэтага, калі б быў няпэўным, за Трампа прагаласаваў”, — сказаў Лукашэнка.
7 кастрычніка праходзіць сумеснае пасяджэнне старога і новага складу Палаты прадстаўнікоў. На наступным тыдні дэпутаты 5-га склікання складуць свае паўнамоцтвы, а дэпутаты 6-га склікання прыступяць да працы.
