Лісабонская дамова можа набыць моц 1 снежня

Лісабонская дамова, якая прадугледжвае рэформу інстытутаў улады Еўрасаюза, можа набыць моц 1 снежня.
Такое меркаванне выказаў прэзідэнт Францыі Нікаля Сарказі, перадае AFP. Па яго словах, у сярэдзіне лістапада можа адбыцца саміт кіраўнікоў ЕС, падчас якога будуць абмяркоўвацца прызначэнні на пасады, заснаванне якіх прадугледжана Лісабонскай дамовай, у тым ліку пасада першага прэзідэнта ЕС.

Як нагадвае “Корреспондет”, учора ў Бруселі адбылася нефармальная сустрэча лідэраў ЕС, падчас якой яны пагадзіліся з патрабаваннямі прэзідэнта Чэхіі, якімі ён абумовіў ратыфікацыю Лісабонскай дамовы.

Празе дадуць тыя ж ільготы, якія раней атрымалі Вялікабрытанія і Польшча. Старшыня Еўракамісіі Жазэ Мануэль Барозу выказаў надзею, што Лісабонская дамова будзе ратыфікаваны ў "вельмі хуткім часе".

Апошнія навіны

Галоўнае

Выбар рэдакцыі