Леанід Шэнец вызвалены ад пасады першага намесніка міністра энергетыкі
![Леанід Шэнец вызвалены ад пасады першага намесніка міністра энергетыкі](/sites/default/files/styles/gallery_main/public/2023-08/000021_271489_big.jpg.webp?itok=85Mc1DFC)
Леанід Шэнец вызвалены ад пасады першага намесніка міністра энергетыкі Беларусі. Адпаведную пастанову (№ 1004 ад 7 снежня) падпісаў прэм'ер-міністр Андрэй Кабякоў, яна апублікаваная на Нацыянальным прававым інтэрнэт-партале. У дакуменце адзначаецца, што Шэнец вызвалены ад пасады "па пагадненні бакоў".
Прэс-служба Міністэрства энергетыкі паведамляе, што Шэнец працягне працу на пасадзе дырэктара Дэпартамента энергетыкі Еўразійскай эканамічнай камісіі, будзе адказваць за пытанні электраэнергіі, газу і нафты.
Леаніду Шэнцу 61 год. Першым намеснікам міністра энергетыкі ён працаваў з 5 жніўня 2013 года, гэтую пасаду ён займаў і ў 2006-2008 гадах. Пасля ён некалькі гадоў быў намеснікам старшыні Дзяржаўнага камітэта стандартызацыі, працаваў у "Газпрам трансгаз Беларусь" начальнікам упраўлення. Яго біяграфію гл. тут.
![Леанід Шэнец вызвалены ад пасады першага намесніка міністра энергетыкі](/sites/default/files/paragraphs/image/szeniec.jpg)