Латвійскі бізнэс супраць эканамічных санкцыяў для Беларусі
Латвійскія бізнэсмены лічаць немэтазгоднымі эканамічныя санкцыі супраць Беларусі.
Такой пазіцыі прытрымліваліся ўдзельнікі круглага стала “Беларусь — неад'емная частка Еўропы. Кансалідацыя беларусаў замежжа”, які прайшоў 12 сакавіка ў Рызе. Як заявіў прэзідэнт Латвійскага прафсаюза маракоў гандлёвага флоту, сябра Асацыяцыі прадпрымальнікаў беларусаў Латвіі “Беларускі шлях” Ігар Паўлаў, вынікі выбараў у Беларусі павінен ацэньваць толькі беларускі народ.
На думку бізнэсмена, латышам будзе нявыгадна, калі яны перастануць супрацоўнічаць з беларусамі ў выніку ўведзеных эканамічных санкцыяў, паведамляе БЕЛТА.
