Квiткi на Гульні СНД, якія пройдуць у Беларусі, будуць бясплатныя
Эмблема ІІ Гульняў СНД
Гульні краін СНД карыстаюцца такой шалёнай "папулярнасцю", што квіткі на іх вырашылі зрабіць бясплатнымі. Пра гэта ў эфіры тэлеканала СТВ заявіў першы намеснік міністра спорта Аляксандр Дараховіч:
— Ёсць інфармацыя, колькі будуць каштаваць квіткі для гледачоў?
— Бясплатна.
— Гэта значыць, трэба будзе толькі жаданне?
— Абсалютна бясплатна.
II Гульні краін СНД пройдуць у Беларусі з 4 па 14 жніўня 2023 года. Спаборніцтвы будуць арганізаваныя ў 11 гарадах. Мяркуецца, што ў спартовым турніры прымуць удзел больш за 6 тысяч чалавек.
Звычайна трыбуны на нікому не цікавых спаборніцтвах у Беларусі прымусова запаўняюць школьнікамі, студэнтамі, салдатамі і бюджэтнікамі. Але ўлетку са школьнікамі і студэнтамі могуць быць праблемы.
