Кожная 10-я адміністрацыйная справа мае апраўдальны прысуд ці спыняецца
10% адміністрацыйных спраў спыняецца ў працэсе суда ці мае апраўдальны прысуд. Пра гэта на прэс-канферэнцыі 24 лютага паведаміў першы намеснік старшыні Вярхоўнага суда Валерый Калінковіч.
Ён паведаміў, што судовая сістэма краіны штодзённа разглядае каля чатырох тысяч спраў.
Калі казаць пра суды над людзьмі ў пагонах — міліцыянтамі і вайскоўцамі, то яны складаюць некалькі адсоткаў ад агульнай колькасці спраў. Па словах Калінковіча, судовай нагрузкі гэтыя справы амаль не нясуць.
