"КоммерсантЪ": Хадаркоўскі папрасіў памілавання пасля гутаркі з сілавікамі
Супрацоўнікі спецслужбаў распавялі вязню пра пагаршэнне стану маці, якая пакутуе на анкалагічнае захворванне, і новую крымінальную справу.
Пра гэта піша расійскае выданне "КоммерсантЪ" са спасылкай на дасведчаныя крыніцы. Гутарка экс-кіраўніка кампаніі "Юкас" з сілавікамі адбывалася без адвакатаў. І менавіта яна прымусіла Міхаіла Хадаркоўскага звярнуцца да Уладзіміра Пуціна.
Чакаецца, што на волю экс-бізнэсмэн выйдзе перад навагоднімі святамі.
Заяву пра магчымае памілаванне экс-алігарха расійскі прэзідэнт зрабіў 19 снежня, адразу пасля штогадовай прэс-канферэнцыі. Яна стала неспадзяванкай як для сваякоў Хадаркоўскага, так і для яго абароны, якія нічога не ведалі аб прашэнні.
Тэрмін зняволення Хадаркоўскага заканчваўся 23 жніўня 2014 года.
Фота — hro.org
