Кітайскія вытворцы дадавалі ў бутэлькі з алкаголем віягру

Лікёрагарэлачныя заводы ў Кітаі дадавалі ў моцны алкаголь віягру. Яны казалі кліентам, што што гэта робіць напоі карыснымі для здароўя.

Як перадае BBC, алкаголь з такой назвычайнай дабаўкай выявілі супрацоўнікі ўпраўлення па кантролі за якасцю прадуктаў падчас праверкі ў горадзе Лючжоў. Агулам было канфіскавана 5300 бутэлек з алкаголем. Таксама яны знайшлі ўпакоўкі з віяграй.

Паліцыя Гуансі-Чжуанскага аўтаномнага раёна правярае яшчэ два лікёрагарэлачныя заводы. Паведамляецца, што вытворцы дадавалі віягру ў тры віды байцзю — традыцыйнага і вельмі папулярнага ў Кітаі моцнага алкагольнага напою.

Агульны кошт канфіскаванага алкаголю склаў каля 700 тысяч юаняў (113 тысяч долараў).

Фота: ВВС

Апошнія навіны

Галоўнае

Выбар рэдакцыі