Кіраўнікі Беларусі, Расіі і Казахстану сустрэнуцца ў Астане
28-29 траўня пройдзе паседжанне Вышэйшага эўразійскага эканамічнага савету — вышэйшага органу Мытнага саюза і Едзінай эканамічнай прасторы.
Як паведамляе БелаПАН са спасылкай на прэс-службу Крамля, у часе паседжання першачарговая ўвага будзе нададзеная далейшаму развіццю інтэграцыі і стварэнню да 1 студзеня 2015 года Еўразійскага эканамічнага саюза.
Чакаецца, што Уладзімір Пуцін, Нурсултан Назарбаеў і Аляксандр Лукашэнка абмяркуюць выкананне даручэнняў па забеспячэнні функцыянавання МС і АЭП. Дадуць ацэнку працы па кадыфікацыі міжнародных дамоваў, якія складаюць прававую базу памянёных інтэграцыйных аб’яднанняў.
