Кіраўнік СБУ заявіў, што Расію "чакаюць новыя чарговыя сюрпрызы"
![Кірыл Буданаў і Васіль Малюк / gur.gov.ua](/sites/default/files/styles/gallery_main/public/2023-08/Bu2.jpg.webp?itok=xGhuThLy)
Кірыл Буданаў і Васіль Малюк / gur.gov.ua
У Кіеве прайшла сустрэча кіраўніка Галоўнага ўпраўлення разведкі Мінабароны Кірыла Буданава і кіраўніка Службы бяспекі Украіны Васіля Малюка. "Украінскія спецслужбы адзіныя ў сваім імкненні атрымаць перамогу", — піша gur.gov.ua. Падкрэсліваецца, што "чуткі пра нібыта непаразуменні паміж кіраўнікамі ГУР МА і СБУ... абвяргаюцца штодзённай сумеснай працай па абясшкоджванню ворага". Малюк заявіў, што расійскіх акупантаў "чакаюць новыя чарговыя сюрпрызы".
Сустрэча Буданава і Малюка адбылася на фоне чарговай хвалі скандалу вакол гібелі ў 2022-м у Кіеве Дзяніса Кірэева. Кірыл Буданаў нядаўна пацвердзіў, што Кірэеў быў супрацоўнікам ГУР і загінуў пасля затрымання СБУ.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.