Кіраўнік МУС супраць таго, каб за перавышэнне хуткасці не забіралі правы

Кіраўнік МУС супраць таго, каб за перавышэнне хуткасці не забіралі правы

На разгляд дэпутатам Палаты прадстаўнікоў унесены законапраект, у адпаведнасці з якім, прапаноўваецца не пазбаўляць кіроўцаў правоў за перавышэнне хуткасці. Міністр унутраных спраў Ігар Шуневіч у каментарыі Еўрарадыё выказаў сваю нязгоду з гэтай прапановай.

Шуневіч: “Я неадназначна стаўлюся да гэтага пытання. Ёсць вымушаныя альбо нявымушаныя памылкі, а ёсць злоснае парушэнне закона і наўмысныя супрацьпраўныя паводзіны. Ёсць людзі, на якіх складзена да 90 пратаколаў за парушэнне правілаў дарожнага руху і хуткаснага рэжыму ў прыватнасці. Таму, нейкая дыферэнцыяцыя павінна быць. Але, з пункту гледжання лібералізацыі гэтага працэсу, тут я заўжды гляджу па наступствах. А паколькі я кожны дзень у зводках бачу, што гінуць людзі. У тым ліку і з-за парушэння хуткаснага рэжыму. І таму маё стаўленне да гэтай прапановы неадназначнае”.

Па словах міністра, МУС не валодае заканадаўчай ініцыятывай, але яны будуць выказваць сваё меркаванне па гэтым пытанні.

Апошнія навіны

Галоўнае

Выбар рэдакцыі