Кіраўнік дэлегацыі ЕС правёў сустрэчы ў МЗС і Адміністрацыі прэзідэнта Беларусі
Кіраўнік дэлегацыі Еўрасаюза, кіруючы дырэктар па справах Еўропы і Цэнтральнай Азіі Еўрапейскай службы знешніх дзеянняў Томас Маер-Хартынг 4 красавіка правёў сустрэчы ў Мінску — з міністрам замежных спраў Беларусі Уладзімірам Макеем, а таксама з кіраўніцтвам Адміністрацыі прэзідэнта. Абмяркоўваліся перспектывы далейшага развіцця адносін паміж Бруселем і Мінскам.
Як інфармуе прэс-служба МЗС нашай краіны, у беларускай сталіцы прайшло трэцяе пасяджэнне Каардынацыйнай групы Беларусь — ЕС. Дэлегацыю Беларусі ачольваў намеснік міністра замежных спраў Алег Краўчанка. На пасяджэнні гаворка ішла і пра правы чалавека.
