КДБ затрымаў дырэктара Дэпартамента па авіяцыі Мінтрансу за хабар
Камітэт дзяржаўнай бяспекі паведамляе пра затрыманне дырэктара Дэпартамента па авіяцыі Міністэрства транспарту і камунікацый Уладзіміра Косціна. Яно адбылося 20 сакавіка.
Косціна затрымалі пры атрыманні хабару ў 3500 долараў. Таксама спецслужбы затрымалі хабарадаўцу — кіраўніка адной з камерцыйных структур. За гэтыя грошы Косцін мусіў вырашыць пытанні, якія ўваходзяць у яго службовую кампетэнцыю.
На затрыманых пачалі крымінальныя справы. Абодвух узялі пад варту і змяцілі ў СІЗА КДБ.
