КДБ правёў вобыск у кватэры праваабаронцы Алены Танкачовай

Камітэт дзяржаўнай бяспекі Беларусі правёў учора вобыск у кватэры праваабаронцы Алены Танкачовай у Мінску.

Танкачова паведаміла БелаПАН, што вобыск праводзіўся на падставе ордэра ў рамках расследавання крымінальнай справы аб масавых беспарадках у Мінску 19 снежня.

Як паведаміла Танкачова, супрацоўнікі КДБ забралі дакументы, звязаныя з яе праваабарончай дзейнасцю, а таксама сім-карту для мабільнага тэлефона з нямецкім нумарам.

Супрацоўнікі КДБ дапыталі Танкачову, аднак аб змесце допыту праваабаронца паведаміць не можа, паколькі, паводле яе слоў, яна дала падпіску аб неінфармаванні аб матэрыялах следства.

Апошнія навіны

Галоўнае

Выбар рэдакцыі