Каранавірус зарэгістравалі ў Верхнядзвінску

Першы пацыент з каранавірусам COVID-19 зафіксаваны ў Верхнядзвінскім раёне. Гэта дванаццаты раён Віцебскай вобласці, дзе фіксуюць каранавірус, пішуць "Народныя навіны Віцебска".

Новыя два выпадкі захворвання на каранавірус выяўленыя ва Ушачах. Абодва пацыенты трапілі ў бальніцу з пнеўманіяй, цяпер медыкі высвятляюць іх кантакты першага і другога ўзроўню. Агулам ва Ўшацкім раёне на COVID-19 захварэлі ўжо 8 чалавек.

У Аршанскім раёне колькасць выпадкаў інфекцыі COVID-19 павялічылася да 15. 

У Гарадоцкім ранеё зафіксавалі двух новых пацыентаў з каранавірусам — цяпер іх чатыры. 

Няяснай застаецца сітуацыя ў Докшыцкім раёне. Мясцовыя ўлады хаваюць колькасць хворых на каранавірус. Раней гаварылася толькі, што ў раённай лякарні 85 чалавек з пнеўманіяй. Аналізы для тэстаў з Докшыц возяць у Віцебск. 

Па стане на 14 красавіка ў Віцебскай вобласці было зарэгістравана 848 выпадкаў заражэння каранавірусам.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.