Каралева Вялікабрытаніі ўхваліла аднаполыя шлюбы

Пра гэта паведамляецца ў прэс-рэлізе брытанскага ўрада. 

Зацвярджэнне закона Лізаветай ІІ было неабходнай фармальнасцю. Сваю падтрымку ініцыятыве выказаў прэм'ер-міністр краіны, лідар кансерватараў Дэвід Кэмеран. Трэба сказаць, што вялікая колькасць сябраў менавіта гэтай партыі выказвалася супраць таго, каб геям дазвалялася брацца шлюбам.

У падтрымку аднаполых шлюбаў выказаліся таксама лідар ліберал-дэмакратаў Нік Клег і кіраўнік Лейбарысцкай партыі Эд Мілібэнд.

У апошнія месяцы адразу некалькі краін легалізавалі аднаполыя шлюбы. У сярэдзіне траўня яны сталі законнымі ў Бразіліі і Францыі. А ў канцы чэрвеня Вярхоўны суд ЗША прызнаў неканстытуцыйным федэральны закон пра абарону шлюбаў, паводле якога шлюбам прызнаецца толькі саюз мужчыны і жанчыны. Такім чынам, аднаполыя шлюбы былі фактычна легалізаваныя і ў ЗША, паведамляе РБК.

Апошнія навіны

Галоўнае

Выбар рэдакцыі