Кантрабандныя цыгарэты з Беларусі, скінутыя з дрона, захраслі на дрэве ў Літве
![Цыгарэтная кантрабанда / vsat.lrv.lt](/sites/default/files/styles/gallery_main/public/2023-08/litva-1406-1.jpg.webp?itok=hDwk0C5D)
Цыгарэтная кантрабанда / vsat.lrv.lt
Саўдзельніку кантрабандыстаў у Літве давялося спілаваць дрэва, каб забраць кантрабандныя цыгарэты, паведамляе памежная служба Літвы.
Кантрабандысты перапраўлялі дронам цыгарэты з Беларусі. Беспілотнік скінуў пасылку, але яна захрасла на дрэве. 23-гадовы літовец спілаваў яго, каб здабыць каштоўны груз, але яго выявіў памежны патруль. Побач з хлопцам было 756 пачкаў беларускіх цыгарэт.
Яму пагражае штраф да 6000 еўра і адміністрацыйная адказнасць за знаходжанне ў запаведніку і шкоду прыродзе.
Дарэчы, у той жа дзень літоўскія памежнікі затрымалі ў лесе яшчэ двух мясцовых жыхароў. Абодва неслі пакункі з цыгарэтамі.
![Кантрабандныя цыгарэты з Беларусі, скінутыя з дрона, захраслі на дрэве ў Літве](/sites/default/files/styles/default_image_paragraph/public/paragraphs/image/litva-1406-2.jpg.webp?itok=GkEWt-Sd)
![Кантрабандныя цыгарэты з Беларусі, скінутыя з дрона, захраслі на дрэве ў Літве](/sites/default/files/styles/default_image_paragraph/public/paragraphs/image/litva-1406-3.jpg.webp?itok=oyC0N9K0)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.