Канцлер Германіі — супраць скасавання санкцый узамен на транзіт збожжа

Канцлер Германіі выступае супраць скасавання санкцый у дачыненні да беларускіх уладаў дзеля транзіту збожжа з Украіны. Пра гэта Олаф Шольц заявіў па выніках сустрэчы з літоўскім прэзідэнтам Гітанасам Навуседам, піша агенцтва BNS.

Па словах Шольца, краіны Еўрасаюза шукаюць спосабы бяспечнага транзіту збожжа з Украіны. Але адмовіцца ад санкцый супраць рэжыму Лукашэнкі ўзамен за гэта яны не гатовыя.

Ідэю перавозіць украінскае збожжа праз Беларусь у парты Латвіі вылучыў генсакртара ААН Антоніу Гутэрыш. Яе падтрымаў Аляксандр Лукашэнка, запатрабаваўшы ўзамен паслабіць санкцыі — адкрыць афіцыйнаму Мінску доступ да балтыйскіх партоў. 

Супраць аслаблення санкцый рашуча выступіла Святлана Ціханоўская. Уладзімір Зяленскі таксама заявіў, што Украіна не гатовая пайсці на такі крок насутрач Беларусі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.