Канапацкая — пра знос крыжоў у Курапатах: “Гэта дакладна парушэнне закона”
![euroradio.fm](/sites/default/files/styles/gallery_main/public/2023-08/photo_2019-04-04_12-44-04.jpg.webp?itok=YsjL8dvh)
euroradio.fm
Ва ўрочышча Курапаты, дзе сёння знеслі крыжы, прыбыла дэпутат Палаты прадстаўнікоў Ганна Канапацкая. Дырэктар Бараўлянскага лясгаса Аляксандр Мірановіч, чые супрацоўнікі займаліся дэмантажом, адмовіўся паказаць парламентарыю якія-небудзь суправаджальныя дакументы. Нават пасля прад'яўлення дэпутацкага пасведчання, ён прапанаваў Канапацкай па ўсіх пытаннях звяртацца ў прэс-цэнтр Мінлясгаса.
“Выконваць любыя будаўніча-мантажныя работы нельга без папер, без дакументаў. А яны гэта робяць. Гэта дакладна парушэнне закона!” — заявіла Ганна Канапацкая.
![Канопацкая — про снос крестов в Куропатах: “Это определённо нарушение закона”](/sites/default/files/paragraphs/image/photo2019-04-0412-44-06.jpg)
Дэпутат паведаміла журналістам, што збіраецца паехаць у Мінлясгас за афіцыйнымі каментарыямі.
Ганна Канапацкая, каментуючы дзеянні Аляксандра Міронавіча, таксама дадала, што няведанне закона не вызваляе ад адказнасці.