Каляндар сцвярджае, што "беларусы — продкі мужных ваяроў" (фота)
Выйшаў беларускі каляндар на 2014 год — "Улюблёныя ў Беларусь: 12 дзяўчат з думкамі аб Радзіме".
Як піша "Наша ніва", каляндар прысвечаны Беларусі, яе народу, гісторыі, прыродзе. Мэта задумкі — з дапамогай прыгажосці беларускіх дзяўчат данесці да жыхароў нашай краіны ідэю адметнасці і ўнікальнасці Беларусі.
На жаль, не абышлося без кур'ёзаў. На календары за сакавік можна пабачыць надпіс: "Беларусы — продкі мужных ваяроў, дух якіх не зламіць і не стрымаць". Відавочна, што аўтары-складальнікі пераблыталі словы "продкі" і "нашчадкі".
