Каля Слаўгарада сутыкнуліся фура і мікрааўтобус, адзін з кіроўцаў загінуў

Каля Слаўгарада сутыкнуліся фура і мікрааўтобус, адзін з кіроўцаў загінуў, іншы кіроўца знаходзіцца ў рэанімацыі. Здарэнне адбылося каля 3.40 раніцы 27 красавіка на 100-м кіламетры аўтадарогі мяжа Расійскай Федэрацыі — Крычаў — Бабруйск — Івацэвічы. 37-гадовы кіроўца Peugeot Boxer, жыхар Гомельскага раёна, рухаўся з боку Гомеля да мяжы з Расіяй. Мікрааўтобус раптоўна выехаў на сустрэчную паласу, дзе і адбылося сутыкненне з Volvo з паўпрычэпам, якім кіраваў 39-гадовы жыхар Бабруйска.

Як паведамляе сайт abw.by, кіроўца Peugeot Boxer ад атрыманых траўмаў памёр на месцы.