Каля Быхава перакуліўся легкавік, у якім везлі шасцімесячных дзяцей

У Быхаўскім раёне на 53-м кіламетры аўтадарогі Магілёў — Бабруйск перакуліўся легкавік Mazda, у якім везлі дваіх шасцімесячных дзяцей. На шчасце, яны былі ў спецыяльных прыстасаваннях, таму сур'ёзных траўмаў не атрымалі.

Як піша @uvdmogilev, 43-гадовы кіроўца аўтамабіля здзяйсняў абгон у забароненым для гэтага месцы. У выніку ён выехаў на паласу сустрэчнага руху, дзе сутыкнуўся з аўтамабілем Volkswagen. Пасля гэтага Mazda і апынулася ў кювеце.

Дзеці цяпер знаходзяцца пад назіраннем медыкаў.