Каля адміністрацыі прэзідэнта Украіны знайшлі бомбу
Чалавека, які заклаў выбухоўку, заўважылі, але ён знік і не паспеў прывесці зарад у баявы стан.
Самаробную бомбу знайшоў нарад аховы ў ноч на 14 чэрвеня ля аднаго з уездаў у Адміністрацыю прэзідэнта Украіны на вуліцы Банковай, перадае УНІАН. Паводле папярэдніх звестак, прылада была зробленая з некалькіх гранат Ф-1 і РГД, дадатковых паражальных элементаў і мабільнага тэлефона.
Выбуховае прыстасаванне накіравалі на экспертызу.
