Каля 5 тысяч украінскіх вайскоўцаў ужо прайшлі падрыхтоўку ў Вялікабрытаніі

Каля 5 тысяч украінскіх вайскоўцаў паспяхова прайшлі падрыхтоўку ў Вялікабрытаніі. Пра гэта паведамляе Генеральны штаб Украіны. Байцы атрымалі базавыя веды, уменні і навыкі па тактычнай медыцыне, інжынернай, агнявой, псіхалагічнай і тактычнай падрыхтоўцы, уключаючы вядзенне наступальных і абарончых дзеянняў ва ўмовах горада. Займаліся з украінцамі інструктары з Вялікабрытаніі, Канады, Нідэрландаў, Новай Зеландыі і Украіны.

Базавая агульнавайсковая падрыхтоўка ўкраінскіх вайскоўцаў у Вялікабрытаніі працягваецца. Яна адбываецца ў адпаведнасці з праграмай, запачаткаванай урадам Вялікабрытаніі.

Украінскія вайскоўцы праходзяць падрыхтоўку / Гэты і наступныя здымкі — https://www.facebook.com/GeneralStaff.ua

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.