Калдун заняў 6-е месца, у Бялградзе Беларусь будзе выступаць адразу ў фінале

Беларускі выканаўца Дзмітры Калдун набраў 145 балаў і заняў 6-е месца сярод 24 удзельнікаў міжнароднага конкурсу Еўрабачанне-2007. Перамогу атрымала Марыя Шарыфавіч з Сербіі (268 балаў). Другое месца ў Веркі Сярдзючкі з Украіны, якая выконвала песню Dancing Lasha Tumbai.

Найбольшую колькасць балаў Дзмітры Калдун атрымаў ад тэлегледачоў Ізраілю, Украіны і Расіі, якія ставілі яго на першае месца.

Вынік Калдуна – найлепшы для Беларусі за ўвесь час удзелу ў конкурсе Еўрабачанне з 2004 года. У Бялградзе на Еўрабачанні-2008 Беларусь будзе выступаць адразу ў фінале.

Фота: eurovision.tv