Каб трапіць у Арменію, казах паказаў у Беларусі фальшывы расійскі пашпарт

У Беларусі затрымалі грамадзяніна Казахстана. Увечары 27 жніўня ў Нацыянальным аэрапорце Мінск ён афармляўся на рэйс у Ерэван. Падчас праверкі дакументаў узніклі пытанні да дакумента — ўнутранага пашпарта грамадзяніна РФ. Высветлілася, што ён цалкам падроблены — усе старонкі былі імітаваныя пад сапраўдны ўзор, выкананы на звычайнай аргтэхніцы.

Памежнікі праверылі асабістыя рэчы мужчыны і знайшлі ў іх пашпарт грамадзяніна Казахстана. Высветлілася, што яму забароены ўезд у Арменію, і ён паспрабаваў абыйсці закон.

Казаха адправілі на Акрэсціна. За спробу незаконнага перасячэння мяжы яму пагражае штраф і дэпартацыя, а за падробку дакумента прадугледжана крымінальная адказнасць.