Інстытут прапіскі можа быць скасаваны ўжо сёлета

Прэзідэнт разглядае праект
дакументаў, датычных адмены інстытута прапіскі ў Беларусі. Пра гэта са
спасылкай на начальніка Упраўлення па грамадзянстве і міграцыі ГУЎС
Мінгарвыканкама Мікалая Шэўчыка піша “Интерфакс”.

Па словах спадара Шэўчыка, замест
прапіскі ў пашпарце "будзе ставіцца адзнака аб месцы жыхарства".

Начальнік упраўлення адзначыў, што "пасля адмены
інстытута прапіскі ў Беларусі будзе больш жорсткае пакаранне за парушэнне
правілаў пражывання без рэгістрацыі". Паводле праекту, рэгістрацыя аднаго
чалавека можа праводзіцца на 15-ці метрах агульнай плошчы кватэры.