"Хуткая дапамога" збіла мужчыну на пераходзе ў Мінску
"Хуткая дапамога", якая здзейсніла наезд / t.me/skgovby
Увечары ў пятніцу 51-гадовы кіроўца за рулём хуткай медыцынскай дапамогі Peugeot учыніў у Мінску наезд на 73-гадовага мужчыну, паведамляе Следчы камітэт.
Мужчына перасякаў праезную частку па нерэгуляваным пешаходным пераходзе. У выніку ДТЗ пешаход памёр на месцы ад атрыманых траўмаў.
Трагедыя здарылася на сталічнай вуліцы Даўгабродскай. На месцы ДТЗ працуюць следчыя.
