Хлопцаў, якія прынеслі нацыянальны сцяг на фестываль “Хмяльноў”, будуць судзіць

Івана Лісаўца і Дзмітрыя Навуменку, якія 5 жніўня ўзнялі бел-чырвона-белы сцяг на канцэрце “Крамбамбулі” падчас фестывалю “Хмяльноў” у Менску, будуць судзіць.

Пра гэта праваабаронцу Валянціну Стэфановічу паведамілі сябры затрыманых.

АМАПаўцы затрымалі Лісаўца і Навуменку падчас канцэрту. Ноч яны правялі ў турме на вуліцы Акрэсьціна.

7 жніўня адбудзецца суд ў судзе Заводскага раёна, паведамляе "Вясна".