Хакеіст з Чэхіі трапіў пад "міні-вадаспад" у мінскай гасцініцы (фота)
У новым дарагім гатэлі "Рэнесанс", на адкрыцці якога быў Лукашэнка, са столі пацякла вада.
Гулец "Караліны" і зборнай Чэхіі Міхал Ёрдан выклаў увечары 8 траўня ў твітары фотаздымак здарэння, якое адбылося ў адной з самых дарагіх гасцініц сталіцы. "Прессбол" удакладняе, што гэта — гатэль "Рэнесанс-Мінск", на адкрыцці якога ў красавіку прысутнічаў Аляксандр Лукашэнка.
"Вадаспад у гатэлі Мінска. Адно пытанне — што пайшло не так???", — напісаў вядомы хакеіст пра "невялікі патоп", які здарыўся на адным з паверхаў.
