Гурт "Тлушч"анансуе новы ЕР сінглам "Нападпітку" (слухаць)
Жыўцом песня будзе прэзентавана падчас фэсту "Даём рады".
Песню "Нападпітку" каманда называе "гумарыстычнай спробай зачапіць праблему алкаголю".
"Можна сабе дазволіць час ад часу крыху алкаголю. Але ўсё добра ў меру, — кажа лідар гурта Паша Белы. — Гэта, вядома, праблема нашага грамадства — злоўжыванне алкаголем. Мы дакладна нікога не заахвочваем да злоўжывання. Я не думаю, што мусіць быць адукацыйная мэта, некаму адкрыць вочы. Гэта і так усё разумеюць".
"Нападпітку" увойдзе ў новы ЕР гурта, рэліз якога запланаваны на вясну. "Жывая" прэзентацыя сінгла адбудзецца падчас фэсту-прэміі "Даём рады" 7 лютага ў клубе Re:Public.
