"Гродна Азот" купляць не захацеў ніхто
На сёння быў запланаваны конкурс па продажы акцый ААТ "Гродна Азот", але ён не адбыўся.
Як паведамляе БелаПАН, для прыватызацыі выстаўляўся пакет акцый прадпрыемства, які належыць дзяржаве, — 25% плюс 1 акцыя. Аднак заявак на конкурсны ўдзел не падаў ніводзін інвестар.
Дарэчы, сёлета ў траўні першы віцэ-прэм'ер Уладзімір Сямашка заяўляў журналістам, што цікавасць да "Гродна Азота" выказалі чатыры расійскія кампаніі: "Раснафта", "ЕўраХім", "Газпром" і нейкае Уральскае прадпрыемства, назву якога Сямашка назваць не змог.
Фота — belaruspartisan.org
