Гомельскія мытнікі канфіскавалі рэйсавы аўтобус за 7 блокаў цыгарэт і 6 літраў алкаголю
![Гомельскія мытнікі канфіскавалі рэйсавы аўтобус за 7 блокаў цыгарэт і 6 літраў алкаголю](/sites/default/files/styles/gallery_main/public/2023-08/novaja_huta_tioby.jpg.webp?itok=BPcQ9boT)
Рэйсавы аўтобус “Неаплан” канфіскавалі гомельскія мытнікі ў пункце “Новая Гута” на мяжы з Украінай. Прычынай гэтаму стала кантрабанда цыгарэт і алкаголю. Кіроўца транспартнага сродку заявіў, што не мае тавараў, якія падлягаюць мытнаму дэклараванню, аднак мытнікі знайшлі ў салоне аўтобуса за панеллю ўбудаванага тэлевізара сем блокаў цыгарэт, а ў тэхналагічным люку — 6,15 літра алкагольнай прадукцыі.
Такі правоз тавараў расцанілі як кантрабанду, якую канфіскавалі. Аўтобус быў адабраны як сродак здзяйснення адміністратыўнага правапарушэння. Агульны кошт канфіскату склаў болей за 2,7 мільярда рублёў, перадае прэс-служба Дзяржаўнага мытнага камітэта.
Вядома, што аўтобус ішоў з Кіева ў Рыгу.
Фота: tio.by